Улс төрийн сонгуультай холбоотойгоор их, дээд болон дунд сургууль, цэцэрлэгүүд эрт амарсан. Оюутны амралт эхэлсэнтэй холбоотойгоор нийтийн тээврийнхэн үнэгүй зорчих үнэмлэхийг хүчингүйд тооцож, мөнгө төл гэсэн шаардлага тавьж буй. Тэгвэл ийм зүйл гарах ёсгүй гэсэн тайлбарыг МОХ-ны удирдлагууд хэлсэн байна. Хэдийгээр зарим их, дээд сургууль амарсан ч шалгалтаа өгөөд явж байгаа оюутнууд байгаа. Тиймээс энэ сарыг дуустал оюутнууд нийтийн тээврийн хэрэгслээр үнэгүй зорчих эрхтэй аж. Хэрэв мөнгөө төлөөгүй гэсэн шалтгаанаар бичиг баримтаа хураалгавал Нийслэлийн тээврийн газарт хандаж болох нь.