Нарны зам дээгүүр баригдаж буй Нарны гүүрийн ажлын явц 85 хувьтай байна. Япон Улсын Засгийн газрын буцалтгүй тусламжаар баригдаж буй энэхүү гүүр энэ оны арваннэгдүгээр сарын 15-нд ашиглалтад орох юм.
  262 метр урт, 19 метр өргөн, хоёр урсгалтай, дөрвөн эгнээ бүхий тус гүүр ашиглалтад орсноор Энхтайван болон Гурвалжингийн гүүрний ачаалал багасч, нийслэлийн замын хөдөлгөөний түгжрэл саарах юм. Мэргэжилтнүүдийн тооцоолсноор уг гүүрээр өдөрт 30 гаруй мянган машин зорчих бөгөөд энэ хэрээр дээрх хоёр гүүрний ачаалал багасах гэнэ.