Британийн үнэлгээний The Legatum Institute төвөөс дэлхийн 142 орныг хөгжил цэцэглэлтийн нь талаас харж найман үзүүлэлтээр дүгнэхэд Монгол Улс 59 дүгээр байрт жагссан байна.
Энд эдийн засгийн хөгжлөөрөө 94, удирдлагаар 76, боловсролын хөгжлөөр 48, эрүүл мэндийн хувьд 94, аюулгүй байдал 43, хүний хувийн эрх эрх чөлөө 89, нийгмийн капиталаар 31, хувийн хэвшлийн хөгжлөөр 60 дугаарт орж нийт дүнгээрээ 59-д орсон нь энэ.
Манай өмнөд хөрш Хятад 52 дугаарт орсон бол ОХУ 58 дугаарт орж манай өмнө оржээ. Жагсаалтыг Норвеги, Швейцари, Дани, Шинэ Зеланд, Швед улсууд тэргүүлсэн байна.
Харин Бурунди, Чад, Гаити, Афганистан, Төв Африкийн бүгд найрах улсууд хамгийн сүүлийн байр эзэлжээ хэмээн ca-news.org сайт мэдээллээ.