Нийслэлийн Өмч хувьчлах комиссын 2015 оны 28 дугаар тогтоолоор нийслэлийн өмчийн хэд, хэдэн газрыг дуудлага худалдаагаар худалдах болсон. Тэгвэл дөнгөж сая, Төрийн ордны зүүн талд байрлах “Улаанбаатар таймс сонины хэвлэх үйлдвэр”-ийн дуудлага худалдаа дууслаа.

Ашиглалтын шаардлага хангахгүй болсон, цаашид ашиглах боломжгүй, Улаанбаатар хотын А бүсэд байрлалтай 2,698 м2 эзэмшил газартай, цутгамал бетон суурьтай, тоосгон ханатай, нийт 5,244 м2 талбай бүхий хоёр давхар барилгын дуудлага худалдаа 7 тэрбум 155 сая төгрөгөөс эхэлж, 24 тэрбумаар Монгол Улсын иргэн Абдул Карем дуудлага худалдаанд яллаа.

Харин түүнтэй найман хүн дуудлага худалдаанд оролцсон бөгөөд Б.Отгонжаргал болон “Таванбогд” групп ширүүн өрсөлдсөн ч үнийг 23 тэрбум 800 сая төгрөгөөс дээш хэлж чадалгүй, дуудлага худалдаанд ялагдсан юм.