Монголд энэ зун ган болсноос ургацынхаа ихэнх хэсгийг алдсан. Омск мужийн Хүнс, хөдөө аж ахуйн сайд Максим Чекусов монголын төлөөлөгчидтэй ажил хэргийн уулзалт хийх үеэрээ үр тариа, хүнсний улаан буудай, тэжээлийн таримал нийлүүлэх тухай ярьсан байна. Харин муж хариуд нь Монголоос мах авах юм байна.
Монголын төлөөлөгчдийн тэргүүн Б.Лхагва  “Энэ жил ган болж бид зарим газарт га-гаас ердөө 3-4 цт ургац хураасан. Одоо манай жилийн нийт хэрэгцээнээс 100-120 мянган тонн үр тариа дутаж байна. Ийм болохоор бид танай Омск мужтай хамтран ажиллах сонирхолтой байна” гэжээ.
Бидний хооронд газар тариалангийн салбарт хамтран ажиллаж байсан туршлага бий. Монголын талбайд омскийн таримлын сортууд ургаж байгаа, бас хөдөө аж ахуйн машин ч  нийлүүлдэг.
Монголын тал болохоор Омскчуудад мах нийлүүлэх сонирхолтой байна. Ердөө гуравхан сая хүнтэй энэ улс 65 сая малтай. Монгол улс өнөөдөр Оросын бусад бүс нутагт хэдийнээ мах нийлүүлж эхлээд байгаа юм гэж Омск мужийн ХҮнс хөдөө аж ахуйн яам мэдээлжээ.