Жанжин Д.Сүхбаатарыг Амгаланбаатар хотод төрсөн гэдгийг 30-аад жилийн өмнө судалгаагаар тогтоож байжээ. Түүний мэндэлсний 100 жилийн ойгоор нь төрсөн гэрийх нь буурин дээр “Д.Сүхбаатарын төрсөн газар шороо мөн” гэсэн бичигтэй боржин чулуун хөшөө босгож байсан билээ. Тэгвэл энэ жил төрсөн гэрийн буурин дээр жанжны сууж буй хөшөөг нь босгох аж. Нэг хэсэг талбай дээрх жанжны хөшөөг буулгана гэж бөөн юм болж байсан. Ямартай ч одоо баригдаж байгаа хөшөө нь хотын захдуу газар байрладаг учраас газрыг  нь булаацалдахгүй биз ээ.