Францын нийслэл Парист болсон экологийн асуудлаарх НҮБ-ын бага хурлын үеэр Монгол Улс Сэлэнгэ мөрөн дээр Усан цахилгаан станц барих гэж байгааг эсэргүүцсэн жагсаал болсон байна. Байгаль хамгаалах “Хил хязгааргүй гол мөрөн” эвсэл, Greenpeace байгууллагууд НҮБ-д захидал бичиж  эрчим хүчний эх үүсвэр болгож Байгаль нуурын гол цутгал мөрөн дээр том Усан цахилгаан станц барих гэж байгааг болиулахыг уриалжээ.
Тэд эндээ Монгол Улс Сэлэнгэ мөрөн дээр усан цахилгаан станц барих, мөн Оросын Ангар мөрөн дээрх усан цахилгаан станц нь Байгал нуур болон түүний эргэн тойрны экосистемд сүйрлийн нөлөө үзүүлнэ гэсэн байна.
Сүүлийн жилүүдэд Монголд нүүрс, зэс алтны орд ихээр ашиглаж түүхий эдээ Хятад болон баруунд гаргаж байгаа. Хүнд үйлдвэрлэл ингэж өсөн нэмэгдэж байгаа нь эрчим хүч, ус ихээр шаардах болсноос тус улсын эрх баригчид Сэлэнэг мөрөн түүний цутгал дээр Усан цахилгаан станц барихаар төлөвлөөд байна. Ийм таван ч төсөл байгааг Хятад, Франц, болон Дэлхийн банк санхүүжүүлэхээр ярьж байгаа юм.
Энэ бүхний эсрэг байгаль хамгаалагчид анх дуугарч түгшүүрийн харанга дэлдсэн юм. “Хил хязгааргүй гол мөрөн” эвслийн зохицуулагч Александра Колотова itkutskmedia.ru сайтад “Сэлэнгэ мөрөн дээр Усан цахилгаан станц барих юм бол Байгал нуур мөхлийн ирмэгт ирнэ. Ус бохирдон, усан хангамж муудаж, намагшин хөрсний гулгаа, газар хөдлөл болж мэднэ. Энэ бүхний эцэст ямар сүйрэл болохыг би хэлж мэдэхгүй” гэж ярьжээ.
Монголын байгаль хамгаалагчид ч Усан цахилгаан станц баривал Сэлэнгэ мөрөнд хэрхэн муугаар нөлөөлөхийг мэдээлж төсөл боловсруулагчдад анхааруулсаар байгаа юм. Өнөөдөр монголд Усан цахилгаан станц барихыг эсэргүүцэгчдийг буруутгасан суртал нэвтрүүлэг ид явж байна.
Хожимдохгүйн тулд ОХУ-ын засгийн газар энэ асуудлыг анхааралдаа авахыг ЮНЕСКО-г уриалаад байна. Энд Оросын оролцоогүйгээр, олон улсын эрхзүйг зөрчин  энэ станцыг барих юм бол асуудал эдийн засгийн гэхээсээ улстөрийн  болж хувирна гэдгийг ч анхааруулж байгаа юм.

Энэ бүхний үр дүнд Монголын тал үндсэн Усан цахилгаан станцыг Сэлэнгэ мөрөн дээр барихгүй юм гэж мэдэгдсэн.
Гэвч байгаль орчныг хамгаалагчид энэ мэдэгдлийг худал гээд төсөлд усан цахилгаан станц барих мөрнийг  өөрчлөөгүй гэж байгаа юм. Өнөөдөртөө асуудал хүлээгдмэл байдалд байна.
Буриадын газар нутгийн усны нөөцийн хэлтсийн дарга Валерий Молотов “Шүрэнгийн болон Орхоны усан цахилгаан станц нь төслийн баримт бичиг нь бэлэн болоогүй, харин Эгийн голын цахилгаан станцын төсөл бэлэн болсон ч барьж эхлэх шийдвэр гараагүй” гэж мэдээлж байна.
Энэ асуудлаар сонирхогч талууд 2016 оны эхээр Москвад уулзаж ярилцах юм.
Ингэж Байгал нуурын гол цутгалан Сэлэнгэ мөрөн дээр усан цахилгаан станц барьсан тохиолдолд экологийн сүйрэл болж мэдэх юм хэмээн newbur.ru сайтахд бичжээ.