Сүүлийн үед гадаад улсууд руу явуулж буй карго болон ачаа тээшинд их хэмжээний бурхан шашны холбогдолтой эд зүйлс гаргахыг завдах болжээ.   Улаанбаатар-Бээжингийн чиглэлийн өчигдрийн нислэгээр нэгэн этгээд бурхан шашны 128 судар, бусад эд зүйлсийг хууль бусаар улсын хилээр нэвтрүүлэх гэж байгаад газар дээрээ баригджээ. Буянт-Ухаа дахь гаалийн газрын гаалийн улсын байцаагч нар энэхүү хэргийг илрүүлэн холбогдох этгээдийг эд зүйлсийн хамт Эрүүгийн цагдаагийн газрын Эдийн засгийн гэмт хэрэгтэй тэмцэх хэлтэст хүлээлгэн өгчээ.