Хэнтий аймгийн “Оч Манлай”, нийслэлийн “Иннова” компаниуд хамтран жилд 200 мянган тонн цемент үйлдвэрлэх хүчин чадалтай үйлдвэрийн төсөл боловсруулсан байна. Энэ төслийг ЗТБХБЯ болон Хөгжлийн банк, Үндэсний хөгжил шинэтгэлийн хорооны хамтарсан ажлын хэсгийн хурлаар хэлэлцэж, шийдвэрлэхээр болжээ. Харин энэ төслийг хэрэгжүүлэхэд шаардагдах 11 тэрбум төгрөгийн санхүүжилтийг Хөгжлийн банк ойрын хугацаанд гаргаж чадах эсэх нь эргэлзээтэй байгаа гэнэ. Орон нутгийн түүхий эдэд түшиглэн үйлдвэрлэлээ явуулах уг төслийг хэрэгжүүлбэл 150 гаруй шинэ ажлын байр бий болох юм байна.