Төрөлт сүүлийн жилүүдэд эрс нэмэгдэж амаржих газрууд ачааллаа дийлэхгүйд хүрээд байгаа. Иймд нийслэлд шинээр амаржих газар барих, амаржих газрыг өргөтгөхөөр хэд хэдэн ажил эхлүүлсэн билээ. Үүний нэг нь нийслэлийн нэгдүгээр амаржих газрын 150 ортой өргөтгөлийн барилга юм. Уг өргөтгөл энэ сард ашиглалтад орхоор төлөвлөгдсөн хугацаан нь хойшилж долдугаар сарын сүүлээр ашиглалатад өгнө хэмээж байсан юм. Энэ талаар КНАГ-ын дарга Д.Энхбаяраас тодруулахад, “Долдугаар сарын 23-нд барилгын ажил дуусах ёстой ч бид чанартай сайн бариулахын тулд яаруулахгүй байгаа. Есдүгээр сард барилгын ажил үндсэндээ дуусна гэсэн тооцоотой байгаа” гэв.