Завхан аймгийн Тэлмэн суманд Могойн голын нүүрсний ордыг түшиглэн барих 60МВт-ын хүчин чадалтай ДЦС-ын бүтээн байгуулалт, барилга угсралтын ажлыг эхлүүлжээ. “Шинэ Азиа” групп энэхүү бүтээн байгуулалтын ажлыг Барих-Ашиглах-Шилжүүлэх нөхцөлөөр хэрэгжүүлэхээр өнгөрсөн онд Төрийн өмчийн хороотой Концесын гэрээ байгуулсан билээ. Тиймээс өнгөрсөн хугацаанд төслийн нарийвчилсан судалгааг хийж байгаль орчинд нөлөөлөх байдлын үнэлгээг өнгөрсөн сард ЭБЭХЯ-аар батлуулж шаардлагатай зөвшөөрлүүдийг авснаар бүтээн байгуулалтын ажлаа эхлүүлсэн нь энэ аж.