Амеркийн алдарт дуучин Бобби Браун хоёр жилийн өмнө сүй тавьсан Алиша Эдрижтэйгээ албан ёсоор гэрлэлээ. Тэрээр Хонолулу дахь тоглолтынхоо дараахан хуримаа дотны хэдхэн хүмүүсийнхээ хүрээнд хийжээ. Дуучны хүүхдүүд болох 23 настай Ландон, 19 настай Бобби нар хуриманд оролцсон хэдий ч хуучин эхнэр талийгаач Уитни Хьюстоны охин Кристина хуримын ёслолд оролцсонгүй.

Хосын бяцхан хүү бөгж залах эрхэм хүндтэй үүргийг хүлээсэн байна. Хуримын үеэр Б.Браун улаан хослол, Адидас брэндийн пүүзээр гоёсон бол хатагтай Алиша цав цагаан тансаг даашинзаар гангарчээ. Сонирхуулахад, Алиша нөхрийнхөө менежерийг хийдэг билээ.