Үер усны аюулаас болгоомжлох хэрэгтэйг энэ өдрүүдэд гарч буй осол сануулж байна. Баян-Өлгий аймгийн Ногоон нуур суманд Бөхмөрөн голын усанд хоёр настай эмэгтэй хүүхэд унаж осолдсоныг аймгийн Онцгой байдлын албаныхан хоёр өдрийн турш хайж байгаа ч олоогүй гэнэ. Мөн Өмнөговь аймгийн Сэрвэй суманд усархаг бороо орж үер буусны улмаас УАЗ 469 маркийн автомашинтай зорчиж явсан дөрвөн иргэн үерийн усанд урсаж 40 настай эмэгтэй, найман настай хүүгийн хамт осолджээ.
Ийм явдал мөн л Дундговь аймагт тохиогоод байна. Тус аймгийн  Цагаандэлгэр сумын төвд уруйн үер буусны улмаас Бонго загварын машинтай явж байсан хоёр үн үерт автан нас баржээ.