НХХ-ийн сайд Т.Ганди өнөөдөр орон даяар 330.000 төгрөг олгож эхэлсэн талаар мэдээлэл хийсэн. Гэтэл нийслэлийн зарим дүүрэг, хорооны “Хадгаламж” банк санхүүжилт орж ирээгүй хэмээн мөнгө олгохгүй байгаа талаар ахмад настангуудаас мэдээлэл ирлээ. Ингээд энэ талаар Хөдөлмөр халамж үйлчилгээний газрын дэд дарга Д.Эрдэнэбаатараас тодруулахад “Дүүргүүдэд 330.000 төгрөг өгч байгаа. Санхүүжилт шилжсэн” гэсэн хариулт өглөө. “Хадгалам” банкны холбогдох албан тушаалтнаас тодруулахад “Одоогоор таван дүүргийн санхүүжилт орж ирсэн. Дөрвөн дүүргийнх орж ирээгүй. Хэзээ орж ирнэ тэр үед олгоно. Албан тушаалтнуудын энэ улстөржилт бидэнд хүндрэл учруулж байна” гэв.