НХХЯ-ний мэдээлснээр “Эрдэнэс Таван толгой”-н хувьцааг нэрлэсэн үнээр нь буюу 933 төгрөгөөр худалдаж авахаар 132 компани хүсэлтээ гаргажээ. Хувьцаагаа  зарах хүсэлт гаргасан 1.5 сая иргэний хувьцааг худалдан авахаар 132 аж ахуйн нэгж одоогоор 3,6 тэрбум төгрөг төлөөд байгаа аж. Тиймээс энэхүү мөнгийг нийслэл, хөдөө орон нутагт тодорхой квот тогтоон шат дараатайгаар иргэдэд өгөхөөр зохион байгуулахаар төлөвлөжээ. 23.000, 330.000 төгрөг тарааж эхлээд удаагүй байгаа тул иргэдэд хувьцааны сая төгрөгийг тодорхой хэмжээнд хязгаарлан өгнө гэв. Таван толгойн хувьцааг эзэмших хүсэлтэй аж ахуйн нэгжүүд энэ сарын 30 хүртэл мөнгөө шилжүүлж болох аж.