“Бооцоо”, “Надаар тоглосон хайр” зэрэг жүжиг, “Жинжиймаа” кинонд тоглож, олны хайр хүндэтгэлийг хүлээсэн жүжигчин бол СТА Д.Ганцэцэг. Тэрээр УДЭТ-ын урдаа барьдаг чадварлаг жүжигчдийн нэгд зүй ёсоор багтдаг. Эл театртай ажил, амьдралаа холбосон жүжигчин бүсгүй халамжит эхнэр, хоёр хөөрхөн хүүхдийн ээж. Тэрээр саяхан хоёр хүүхдээ дагуулан тоглолт үзэж яваад гэрэл зурагчдын дуранд өртжээ. Хайрын сэдэвтэй дуу сонссон тэрээр нэлээд сэтгэл нь хөдөлсөн байдалтай даган дуулсан аж. Үүнийг харсан үзэгчид “Урлагийн хүн болохоор аргагүй л сэтгэлийн хөдлөлтэй юм даа. Тэрийгээ нуух ч үгүй юм” хэмээн өөр хоорондоо шивнэлдсэн гэдэг.