Үндэсний их баяр наадам хаяанд ирлээ. Монголчууд баяр наадмаа тохиолдуулан шинэ хонины шөл уудаг уламжлалтай. Иймдээ ч наадам дөхөөд ирэхээр махны үнэ тэнгэрт хадаж хотын захад  хонь, ямаа багширдаг.  Наадам ойртож байгаа энэ өдрүүдэд наадмын хонины түрүүч Эмээлт, Баянзүрхийн товчоо, Баянхошууны  ойролцоо иржээ. Баянхошууны Зээлийн ногооны талбайн хажууд Өвөрхангайгаас ирсэн гэх хониныг г тарган туранхай,  том жижгээс нь хамааруулаад 150 -200 мянган төгрөгөөр,  ямааг  100-170 мянган төгрөгөөр борлуулж байна.