ОХУ-ын Тувагийн нийслэл Кызыль-Увс аймгийн төв Улаангом хоёрын хооронд тавдугаар сарын 17-ны өдрөөс автобусаар үйлчилдэг боллоо. Автобус даваа гараг бүрийн өглөөний 08,00 цагт Кызылийн автовокзалаас Улаангомын чиглэлд хөдөлж байх юм байна.
Харин Улаангомоос бямба гараг бүр буцаж байх энэ автобусны зорчих тасалбар 850 рубль байна гэв. Шууд тээврийн ийм үйлчилгээ нээснээр ОХУ, Монголын иргэдийн эдийн засгийн  харилцаа хамтын ажиллагаанд чухал нөлөө үзүүлнэ гэж үзэж байгаа юм байна.