ХХААХҮЯ-ныхан нийслэлийнхний хүнсний хэрэгцээнд сүү, цагаан идээний хэрэглээг нэмэгдүүлэхээр ажиллаж буй. Энэ хүрээнд хотын гадна үнээний ферм байгуулахаар төлөвлөн эхний ээлжинд гурвыг нь байгуулсан. Гэвч нийслэлийн Статистикийн газраас гаргасан мэдээллээр нийслэлийн нэг иргэн сард 5.8 литр сүү, сүүн бүтээгдэхүүн хэрэглэж байна гэжээ. Тиймээс иргэдийн сүү, цагаан идээний хэрэглээг нэмэгдүүлэх зайлшгүй шаардлага байгаа учраас хотын ойролцоох үнээний фирмийг нэмэгдүүлэх хэрэгтэйг ч албаныхан хүлээн зөвшөөрлөө.