Германы Рейнланд-Пфальц мужийн Мендиг хотод  задгай талбайд болж байсан рок хөгжмийн "Rock am Ring" наадам дээр аянга бууж хамгийн багадаа 42 хүнийг эмнэлэгт хүргэж эмнэлгийн тусламж үзүүлсэн байна.

Наадам зохион байгуулагчдын өгсөн мэдээллээс Welt хэвлэлийн дамжуулсныг үзвэл найман хүн хүнд бэртсэний нэгийг нь бүр сэхээн амьдруулах тасагт эмчилж байгаа юм байна. Үйл явдал болсон газарт цагдаа, онцгой байдал, гал сөнөөгчид, Улаан загамай нийгэмлэгийнхэн ирж яаралтай тусламж үзүүлжээ. Цаг агаарын байдлаас болоод арга хэмжээ  цаг хагас хэртэй хугацаагаар тасалдсан ч удалгүй үргэлжилсэн байна. 

Гурав хоног үргэлжлэх энэ наадамд ойролцоогоор 90 орчим мянган хүн цугларсан гэнэ.