Энэ сарын 13-ны өдөр саналын хуудас хэвлүүлэх ажил эхэлсэн билээ. Нийт 595 төрлийн хоёр сая орчим саналын хуудас хэвлэх ажиллагааг цагдаагийн байгууллагын хамгаалалт, тагнуулын асуудал эрхэлсэн байгууллагын хяналт доор явагуулж байгаа юм. Харин өчигдрийн байдлаар аймгуудад хүргүүлэх саналын хуудас, санал тоолох техник төхөөрөмжийг бүгдийг нь хүргэж дуусчээ. Харин нийслэлийн дүүргүүдэд тэдгээрийг тээвэрлэн хүргэх ажлыг ойрын өдрүүдэд зохион байгуулна гэж Сонгуулийн Ерөнхий хорооноос мэдээллээ.
Саналын хуудас хэвлэх, хүлээлцэх болон санал тоолох техник төхөөрөмжийг нэг бүрчлэн шалгаж баталгаажуулахаас эхлээд тэдгээрийг тээвэрлэн хүргэх ажил саадгүй хэвийн үргэлжилж байгаа юм байна.