Холливудын сайхан хос хэмээн үнэлэгдэж байсан Том Круз, Кэти Холмс нар
таван жилийн хамтын амьдралдаа цэг тавихаар болжээ. Энэ талаар Associated Press мэдээлсэн байна. Энэ мэдээг Кэтигийн өмгөөлөгч Жонатан Вульф батлан энэ бол тэдний хувийн асуудал гэжээ. Одоогоор салах өргөдлөө шүүхэд өгсөн эсэх нь тодорхойгүй байгаа ч тэд 275 сая ам.доллараар үнэлэгдэх хамтын өмчөө хэрхэн хувааж авах нь л хүн бүрийн анхаарлыг татаж байна. Хосууд таван настай Сури охинтой. Сури 2011 оны хамгийн нэр нөлөөтэй хүүхдээр нэрлэгдэж байсан юм. 49 настай Том Круз хуучин эхнэр Николь Кидмантайгаа хоёр ч хүүхэд өргөж авч тэднийхээ өмнө эцгийн хариуцлага үүрдэг.