БОАЖЯ  Улаанбаатар хотын нутаг дэвсгэрт байгаа эзэн хариуцагч нь тодорхойгүй хур хог хаягдлыг цэвэрлэх гэрээг  дүүргүүдийн удирдлагуудтай байгуулсан. Үүний дагуу 110 гаруй байршилд байсан эзэнгүй хур хог хаягдлыг цэвэрлэхэд БОАЖЯ-ны Цэвэр агаарын сангаас 634.1 сая, нийслэлийн төсвөөс 1.2 тэрбум, нийт 1,8 тэрбум төгрөг зарцуулж, хур хог хаягдлыг улсын их баяр наадмаас өмнө бүрэн цэвэрлэж дууслаа. Гэсэн хэдий ч Хан-Уул дүүргийн Шувуун фабрик орчим, Эмээлтийн урд хэсэгт олон жилийн туршид үүссэн томоохон цэгүүд үлдээд байгаа. Тэгвэл тэдгээрийг ирэх ес дүгээр сард  бүрэн цэвэрлэхээр төлөвлөж байгаа аж.