Цөмийн хөтөлбөр, пуужингийн туршилт зэргийн нь төлөө олон улсын зүгээс хориг тавьсан ч гэсэн БНАСАУ-ын нийслэл Пеньянд 35-70 давхар өндөр барилгууд барьсаар байна хэмээн Сөүлээс Рёнхап агентлаг мэдээлжээ.
Умард Солонгос нийслэлийнхээ Рёмён гудамжинд 100 ийм барилга барихын 40 нь орон сууц, бусад нь албан байрны зориулалттай байх юм байна. “Орон сууцнууд нь 70, 55, 50, 40, 35 давхар байх юм. Гэхдээ 7-8 давхар барилгууд ч бас байна” гэж Умард Солонгосын “Кымсу кансан” хэвлэлд бичсэнийг мэдээллийн агентлаг иш татжээ.
Өнөө хүртэл Умард Солонгосын барилгачид 70 давхар барилга барьж байгаагүй, ийм туршлагагүй ч Чанчжон болон ирээдүйн эрдэмтдийн гудамж хэмээдэг Мирэквахакча-кори гудамжны барилгуудыг барсан туршлага дээрэ эүндэслээд энэ өндөрб арилгуудыг босгоно гэж байна.
Удирдагч Ким Чен Уны шийдвэрээр өнгөрсөн дөрөвдүгээр сарас эхлэн барьж байгаа өндөр баригуудтай энэ шинэ гудамжийг энэ ондоо багтаагаад ашиглалтад өгөх юм байна.
БНАСАУ-ын удирдлага өнгөрсөн тавдугаар сард хуралдсан Солонгосын хөдөлмөрийн намын их хурлаасаа улс орноо цөмийн зэвсэгтэй хүчирхэг улс болгох цэргийн хүчин чадлаа нэмэгдүүлэх явдлыг эдийн засгийн хөгжүүлэхтэй хамт шийдвэрлэх зорилт дэвшүүлсэн юм. АНУ-ын аюул бодитой байгаа нөхцөлд цөмийн хөтөлбөрөөсөө хэзээ татгалзахгүй гэдгээ бас мэдэгдээд байгаа.