Оросын зүгээс шахалт үзүүлсний эцэст Монгол Улс Сэлээнгэ мөрөн дээр Усан цахилгаан станц барихаа зогсоолоо.  Хятад улс ч энэ төслийг хэрэгжүүлэхэд зориулж нэг тэрбум долларын зээл өгөхөө больсон байна. Харин Улаанбаатар санхүүгийн өөр эх үүсвэр хайхад хүрээд байна.

Энэ Усан цахилгаан станцыг барих нь Байгаль нуурын эко системд хэрхэн нөлөөлөх талаар Монголын Засгийн газар ОХУ-тай зөвшилцөнө гэж Пронедра өмнө нь мэдээлж байсан. Монгол Улс усан цахилгаан станц нь хүрээлэн байгаа байгаль орчинд хэрхэн нөлөөлөх талаар үнэлгээ дүгнэлт гаргаагүй юм.Оросын талд өгсөн баримт бичиг нь мэргэжилтнүүдийн өмнө олон асуулт гаргаж ирсэн. Харин Москва болохоор энэ төслийг Дэлхийн банк, ЮНЕСКО-той хамтран шинжилгээ хийх нь зүйтэй гэж үзсэн юм.

Үүнтэй зэрэгцээд БНХАУ Шүрэнгийн усан цахилгаан станц барихад зориулан нэг тэрбум долларын хөрөнгө гаргахаа зогсоолоо. Ганцхан энэ төслийн удирдагч Д.Одхүү энэ тухайд Монгол Улс бол тусгаар тогтоносон улс болохоос биш ОХУ, БНХАУ-ын хүүхэлдэй биш, бид Япон, Норвеги, Өмнөд Солонгосоос санхүүгийн дэмжлэг авч болох юм гэсэн байна хэмээн pronedra.ru мэдээлжээ.

Мөн оросын иргэд, байгаль хамгаалагчид ОХУ-ын ерөнхийлөгч Владимир Путинд хандаж Байгаль нуурыг минь Монголчууд, хятадуудын дайралтаас хамгаалж өгөхийг хүслэ эхэмээн оросын хэвлэлүүд бичиж байна.