Ойрын өдрүүдэд нутгийн хойд хэсгээр түр зуурын бороо орж, ихэнх нутгаар дулаарна.

Энэ сарын 19-нд баруун болон төвийн нутгийн хойд хэсэг, зүүн аймгуудын зарим газраар, 20-нд  баруун болон төвийн нутгаар түр зуурын бороо, 21-22-нд төв, зүүн, говийн аймгуудын нутгаар бороо орно. Дуу цахилгаантай. Борооны өмнө салхи түр зуур ширүүснэ. Алтай, Хангай, Хөвсгөл, Хэнтэйн уулархаг нутгаар шөнөдөө 9-14 градус, өдөртөө 21-26 градус, Их нууруудын хотгор болон говийн бүсийн нутгаар шөнөдөө 19-24 градус, өдөртөө 34-39 градус, бусад нутгаар шөнөдөө 13-18 градус, өдөртөө 25-30 градус дулаан байна. Хугацааны сүүлчээр нутгийн хойд хэсгээр бага зэрэг сэрүүснэ хэмээн Ус цаг уур, орчны хүрээлэнгээс мэдээллээ.