Цагдаагийн байгууллагын түүхт 95 жилийн ойн хүрээнд өнөөдөр тус байгууллагын удирдлагууд Их жанжин Д.Сүхбаатарын хөшөөнд цэцэг өргөж, Их эзэн Чингис хааны хөшөөнд хүндэтгэл үзүүллээ.

Ёслолын ажиллагаанд ЦЕГ-ын дарга, Тэргүүн комиссар Р.Чингис болон бусад удирдах албан тушаалтнууд оролцов.

Цагдаагийн байгууллага нь 1921 онд Ардын хувьсгал ялж, Ардын засгийн газрын шийдвэрээр “Сэргийлэх цэргийн салаа” нэртэйгээр анх тулгын чулуугаа тулсан Монгол төрийн ууган байгууллагын нэг юм. 1921-1990 оныг хүртэл цагдаагийн байгууллага нь Дотоод хэргийн яам, Нийгмийг аюулаас хамгаалах яамны харъяанд хууль сахиулах, олон нийтийн аюулгүй байдлыг хангах, гэмт хэрэгтэй тэмцэх үүргийг биелүүлж ирсэн. 1990 оны улс төр, нийгмийн өөрчлөлтөөр Цагдаагийн ерөнхий газар болон шинэчлэгдэж, 1996 оноос Хууль зүйн асуудал эрхэлсэн төрийн захиргааны төв байгууллагын харъяанд тохируулагч агентлаг болон өөрчлөгдөж хууль сахиулах чиг үүргийг гүйцэтгэж байна.

95 жилийн ойн хүрээнд өнөөдөр СТӨ-нд баярын хурал, тоглолт зохион байгуулах бөгөөд маргааш Төв цэнгэлдэх хүрээлэнд ёслолын жагсаал алхах аж.