ОХУ-ын Буриад руу гарах хилийн бас нэг боомт нээж магадгүй талаар vt-inform.ru сайт мэдээллээ. ОХУ-ын Төрийн думын гишүүн Михаил Слипенчук монголын УИХ-ын гишүүдтэй уулзсаныхаа дараа ОХУ-ын ХАА-н мэргэжлийн хяналтын газарт хандсанаар “Айнек Гол” боомт /монголын Бага Илэнх/ нээх асуудлыг энэ газар  судалж байгаа юм байна.
ОХУ-ын Буриад улсын Закаменскийн районд нь Булган аймагтай хиллэдэг, районы төв нь хилээс 30 км-т байдаг юм байна. Хоёр талын иргэд энд байсан “Айнек Гол” боомтыг сэргээн ажиллуулах нь эдийн засгийн чухал ач холбогдолтой гэж үзэж байгаагаас ийн судалж эхэлжээ. Энэ боомтыг ажилд оруулан автомашин зорчуулдаг болох нь хоёр талын худалдааны эргэлт сайжрахаас гадна хилийн хоёр талд байдаг орос монгол ахан дүүс уулзаж байх боломж бүрдүүлнэ гэж үзэж байна.
ОХУ-ын Холбооны Гаалийн алба болохоор боомтын ажиллагааг сэргээхийг бүрэн дүүрэн дэмжиж байгаа ч ганцхан монголд малын элдэв халдварт өвчин гардгаас шалтгаалан ХАА-н мэргэжлийн хяналтын алба л хаасан, тэд зөвшөөрвөл сэргээхийг бүрэн дэмжинэ гэж байгаа юм байна.