Германы эрх баригчид Москватай харилцаагаа хэвийн болгохоор чармайж байгаа энэ үед оросоос дүрвэсэн чеченьчүүдийн тоо эрс нэмэгдлээ гэж Германы олон нийтийн мэдээллийн хэрэгслүүд бичиж байна. Зургадугаар сар гэхэд л Гамбургт ОХУ-ын харьяат чечень иргэний тоо урьдынхаасаа нэмэгдсэн гэнэ. Тэдний ийн дүрвэж Германд орогнол  хүсч байгаа гол шалтгаан нь амьдралын нөхцөл муу, эрх баригчдын харгис дэглэм гэнэ. Германы цагаач дүрвэгсдийн асуудал эрхэлсэн албаны мэдээгээр Германд орогнол хүсч байгаа нийт хүний 82 хувийг чеченьчүүд эзэлж байна гэснийг Die Welt хэвлэл мэдээлсэн байна.
Хэвлэлийн мэдээгээр бол Умард Кавказын лалын шашинт энэ улсад зарлаагүй иргэний дайн болж, тайван амьдрах нөхцөл алдагдан, амьдрах нөхцөл улам муудаж байгаа гэнэ. Чеченийн  иргэдийн дийлэнх хэсэг ядуу амьдарч байхад Чеченийн удирдагч Рамзан Кадыров сөрөг хүчнийг мөрдөн мөшгиж хэлмэгдүүлж тамлан зовоож, орон байрыг нь шатаадаг гэж дүрвэгсэд ярьжээ. Кадыровын дэглэм сараас сард улам дордож, үүнийг нь шүүмжилсэн хэнийг ч мөрдөн мөшгөдөг болсон гэнэ.

Энэ бүхнээс үүдээд чечень иргэд олноороо эх орноосоо дүрвэж Германд орогнол хүсэх болсон гэж байна. Ганцхан германы Христийн ардчилсан нам дүрвэгсдийн ийм их урсгалыг хүлээн авахгүй байхыг уриалж байгаа юм.
Оросын дүрвэгсэд Германд орогнох эрхийг тэр бүрий авдаггүй, тэдний дөнгөж 5,2 хувьд нь л Германд үлдэх хувь тохиодог байна хэмээн оросын  metrprice.ru сайтад бичжээ.