Холливудын жүжигчин Анжелина Жоли, Брэд Питт нар салж байгаа тухай мэдээлэл өнөөдөр дэлхийн олон нийтийн анхаарлын төвд байна. Тэд салах тухай өргөдлөө аль хэдийн өгчээ.

Харин ОХУ-ын Коломоны зохиолч 67 настай Валерий Зеленогорский зургаан хүүхэдтэйгээ хоцорч байгаа Анжелина Жолиг орост, Москва мужид  ирж өөртэй нь гэрлээч хэмээн санал тавьж байгаагаа өөрийн фейсбүүктээ бичжээ.

Тэр бас “хүүхдүүд яахав цэцэрлэг, сургуульд явна биз, Жоли чи гэрт сууж эзэгтэй болох хэрэгтэй” гээд өөрийгөө нэг ч их ядуу хүн биш гэсэн байна. Түүнд зах дээр дөрвөн ч контейнер байдаг, ногооны талбай, цэцэрлэгтэй зуслан, завь, хоёр автомашин, нэг нь чиргүүлтэй “Нива” байгаа гэжээ.

Зеленогорский яагаад ийм санал тавьж байгаагаа удахгүй америкт амьдрал хүнд болно гэж тайлбарласан байна.
Тэр эцэст "Анжелина чи тэр муу Брэдийг нулимж орхи, хүүхдүүдтэйгээ Коломд ирж надтай гэрлэ. Би ч  хаан шиг амьдаръя" гэжээ.

Түүний “Ойд дүүрэн утаатай байлаа” гэдэг ном нь алдартай юм. Зохиолч бас захидалдаа “ОХУ-д гадаадын жүжигчид аль хэдийнээс амьдарч байгаа шүү дээ” гээд Стивен Сигал, Жерар Депарде нарыг нэрлээд магадгүй Жоли энд ирээд хүүхэд төрүүлж ч болно гэжээ.