Япон улсын Статистикийн Синфонике байгууллагын дарга Акихико Ито болон холбогдох албаны хүмүүс Өмнөговь аймгийн удирдлагуудтай уулзлаа. Тухайн улс орны хөгжлийн үзүүлэлтэд статистик мэдээлэл хамгийн чухал үүрэгтэй. Тийм учраас статистик тоон мэдээллийг үнэн бодитой, чанартай болгох зайлшгүй шаардлага байдгийг хэлж байлаа. Тэрээр  Өмнөговь аймгийн статистик мэдээлэл олон улсын стандартад нийцэхүйц байгааг онцолсон юм.

Цаашид ажлын үр дүнгээ нэмэгдүүлж хамтран ажилласнаар аймаг орон нутгаа хөгжүүлэх баримт бичиг боловсруулах, иргэдийг үнэн зөв мэдээллээр хангах зэрэг олон боломж нээлттэй болно. Өмнөговь аймгийн удирдлагуудын зүгээс хөгжлийн суурь ойлголтуудын нэг статистик мэдээллийг чанаржуулах, үнэн бодитой болгох, тус байгууллагын үйл ажиллагааг дэмжиж хамтран ажиллах бүрэн боломжтойг илэрхийллээ. Мөн энэ үеэр Монгол Улсын гурван сая дахь иргэн Х.Монголжин охиныг Японы Статистик Синфонике байгууллагын төлөөлөл, Өмнөговь аймгийн удирдлагуудтай уулзуулсан юм.