Засгийн газрын тогтоолоор өнөөдөр буюу энэ сарын 23-24 шилжих шөнийн 00.00 цагт цагаа нэг цагаар ухрааж, өвлийн цагийн хуваарьт шилжинэ.

Цаг ухраах, урагшлуулах нь цахилгааны хэмнэлт гаргах зорилготой бөгөөд Монгол Улс 1960 онд анх цаг урагшлуулах, ухраах зохицуулалт хийж байв. Үүнийг 1999 онд хүчингүй болгож, 2001 онд сэргээсэн байна. 2005 онд дахин хүчингүй болсон бөгөөд өнгөрөгч оны 3 дугаар сард сэргээж, тухайн сарын 25-26-нд шилжих шөнө 02:00 цагт цагийг урагшлуулаад байсан юм.