Орос-Монголын хил дээрх Алтанбулагийн хилийн боомтоос Буриадын нийслэл Улан-Үдэ хот хүртэл А-340 дүгээр зам есдүгээр сарын 29, 30-ны өдрүүдэд хаалттай байна гэж Буриадын baikal-media.ru сайт мэдээллээ. Замыг Иволинск суурингийн орчимд хөдөлгөөнийг зогсоож явган хүний гүүрэн зам барих юм байна. Үүнтэй холбогдуулан замын хөдөлгөөнд оролцогсод тухайн бүсээр зорчихдоо анхаарал болгоомжтой байхыг Буриадын Замын цагдаагийн газраас анхааруулжээ.