Германы Бавар мужийн 79 настай Эрвин, 76 настай Вальтруд нар өөрийн хүүгээ 32 жил гэрээс гаргалгүй дөрвөн хананы дунд хорьж байсныг хууль сахиулагчид сулласан байна. Фрайенфельс тосгоны 43 настай Маркус 1984 оноос хойш нар үзэлгүй байгаад ийнхүү эрх чөлөөнд гарчээ. Энэ талаар хэн ч мэддэгүй байсан атал саяхан энд шинээр нүүж ирсэн нэгэн хүн хууль сахиулагчдад мэдээлсний дагуу тусгай ажиллагаа явуулан сулласан байна.

Тэтгэврийн хөгшид хүүгээ 1984 оноос хойш гэрээс гаргаагүй гэдгээ хүлээн зөвшөөрөөд ээж Вальтруд нь “Түүнийг сургууль дээр нь хүүхдүүд гадуурхан тохуурхаж шоглодог байсан. Би байнга л түүнийг сургуульд нь хүргэж өгдөг ч хүү маань дахиж сургуульд явахгүй гэж зүтгэдэг байлаа. Эцсийн эцэст бид хүүгээ бидэнтэй л хамт байх нь дээр юм байна гэж шийдсэн юм” гэж мэдүүлсэн байна. Ийнхүү Маркус гэдэг энэ эр гэрийн хорионд 32 жил болжээ.
Одоо хоёр хөгшинд хүний эрх чөлөөг хязгаарласан гэсэн хэрэг тулгах дээрээ тулж байна.