“Лалын улс” алан хялах байгууллагын таван гишүүн тус бүлэглэлийн бүх мөнгмийг аваад Мосул хотоос оргон зугатсан тухай ИРакийн “Ас-Сумария” суваг мэдээлсэн байна. Тус сувгийн мэдээлж буйгаар оргон зугатсан этгээдүүдийн нэг Абу аль-Бара аль-Кахтани гэгч нь Мосул хот дахь “Лалын улс”-ын санхүүг хариуцдаг нэгэн байж. Аль –Кахтани нь хөлсний алан хядагчдын цалин гэж бэлдээд байсан олон сая ам.долларыг авч зугатсан аж. Одоо “Лалын улс”-ын удирдлагууд орогдлуудыг баривчлан өөрийн хүмүүстээ цалин олгох яаралтай арга хэмжээ авч эхэлсэн байна.
Аль-Кахтани болон түүний хамсаатнуудыг баривчилбал газар дээр нь цаазаар авах ял оноосон тухай мэдээг өөрийн хүмүүсийн дунд тараасан байна. Орогдлуудыг хамгийн сүүлд Сирийн хилийн ойролцоох Телль-Афар хотын орчим явж байхыг хүмүүс харсан байна.