Хан-уул дүүрэгт Яармагийн гүүрнээс Өлзийт хороолол хүртэлх Богдхан уулын Тусгай хамгаалалтын бүсэд иргэд Америкийн кинонд гардаг шиг л үүр цүүрээр ирж шон хатгаж  зөвшөөрөлгүйгээр суурьшлын бүс болгох  хууль бус үйлдлүүд гарсанд харамсч буйгаа нуулгүй хэлье. Үүнд  газар авах хүсэлтэй иргэдийг буруутгах үндэслэл үнэхээр алга.
АН-ын Хан-уул дүүрэгт болон Нийслэл дэх үнэмлэхүй ялалттай эвлэрч атаархсан хүмүүсийн  өдөөн хатгасан үйлдэл гэдэг нь хэн хүнд тодорхой байна. Ардчилсан  намын мөрийн хөтөлбөрт иргэдэд газрыг нь хуулийн дагуу өмчлүүлэхийн төлөө, иргэдийн амины орон сууцаа босгох баталгаа болох газрын нь үнэмлэмжтэй болгох тухай болон тэдний амьдралын сайн сайхны төлөө дэвшүүлсэн бодлого зарим хүмүүст  таалагдахгүй байна. Магадгүй одоо байгуулагдах нийслэлийн удирдлагуудад мөрийн хөтөлбөрөө хэрэгжүүлэхэд /газрыг нь иргэдэд хуулийн дагуу өмчлүүлэхээр ажил өрнөхөөс өмнө/ нь энэ байтугай олон эсэргүүцэлтэй тулгарч эхлэхийн нэг нь бололтой.
2002 онд батлагдсан Монгол Улсын иргэнд газар өмчлүүлэх тухай хуулийн тав, зургаа, долдугаар зүйлд иргэнд газар өмчлүүлэх  тухай зарчим, хэмжээг нь хүртэл тодорхой заасан. Энэ хууль гарснаас хойш өнөөг хүртэл газраа авах гэсэн хүсэлтэй иргэдийн сэтгэл зүй дээр улс төрийн тоглолт хийж   ард иргэдийн саналаар сонгогдсон Ц. Оюунгэрэл, Л.Болд  нарын нэр хүндэд халдаж өөрсдийн байгуулсан газрын сүлжээгээ хамгаалах гэсэн оролдлого болов уу гэдэг хардлага төрж байна. Ер нь, цаад утгаараа  иргэдэд газар өгүүлэхгүйн төлөө хөдөлгөөн өрнөсөн хэмээн үзэх хүн ч олон байгаа юм.