Авто тээврийн газраас нийслэлийн таван замд хяналтын жин тавихаар болжээ. Ингэснээр даац хэтрүүлэн ачаа ачиж, зам эвддэг нөхдүүдийг хянаж хариуцлага тооцох боломжтой болох гэнэ. Автомашины нэг тэнхлэгт ногдох жин хэтэрсэн эсэхийг хянах уг жингийн хөрөнгө нь энэ оны төсөвт суугдсан, тэр бүү хэл тендер зарлаж гүйцэтгэгчээ ч шалгаруулаад байгаа аж. Уг ажил ирэх аравдугаар сар гэхэд дууссан байхаар төлөвлөгджээ.