Италийн эргийн хамгаалалтынхан нэг хоногийн дотор 1400 дүрвэгчийг Газрын дундад тэнгист живэхээс  аварлаа гэж Франс Пресс агентлаг албаны мэдээлээс иш татан мэдээллээ.

“Энэ бол маш хэцүү ажил байлаа. Аврагчдын шуурхай ажиллагааны ачаар бүх дүрвэгчийг аварч чадлаа” гэж албаны мэдээлэлд дурджээ.

Энэ 2016 он гарснаас хойш Африк, Азийн орнуудаас Итали руу нийт 171 мянган дүрвэгч ирээд байгаа юм. Харин энэ хугацаанд 4700 дүрвэгч Европт хүрч чадалгүй Газар дундын тэнгист живж амиа алдсан юм.