“Сүү сүүн бүтээгдэхүүн хэрэглэгчдийн төв”-ийн удирдах зөвлөлийн дарга Б.Цэрэн өнөөдөр ард олондоо хандан зөвлөгөө өглөө. Тэрээр сүүн бүтээгдэхүүн сонгон хэрэглэхдээ шошго болон хадгалах хугацааг сайтар үзэж байхыг зөвлөсөн юм.Тараг л гэхэд тодорхой нөхцөлд 14 хоногоос илүү хадгалах боломжгүй байдаг байна. Хэдийгээр хадгалах хугацаа нь дуусаагүй байсан ч хэтэрхий урт хугацаагаар хадгалах заалт байвал орцонд нь үл муутгах бодис орсон байдаг аж. Тиймээс орц найрлагыг нь шалгаж орцонд “Е”-ийн төрлийн бодис орсон эсэхийг мэдэх хэрэгтэй гэнэ. Учир нь “Е”-ийн төрлийн бодисууд сүүнд байдаг хэрэгтэй эрдэсийг үхүүлдэг байна. Заримыг нь бүр хэрэглэхийг хориглосон байдаг төдийгүй хоол боловсруулах эрхтэнд нөлөөлөх, хорт хавдар үүсгэх, аюултай, маш аюултай гэх зэргээр ангилдаг байна. Өнөөдөр барууны орнууд “Е”-ийн төрлийн бодисноос бүр мөсөн татгалзаж байгаа гэнэ.Гэтэл манай улсын стандартад үүнийг зохицуулсан журам, заалт байдаггүй төдийгүй хэрэглэхийг зөвшөөрсөн байдаг байна. Тэрээр цааш нь хэрэглэгчдэд “Е”-гийн төрлийн бодис орсон бүтээгдэхүүн сонгохгүй байх, үйлдвэрлэгчдэд тус бодисыг ашиглахгүй байх, импортоор сүү, иогурт оруулж ирэхгүй байхыг уриалсан юм.