Өнгөрч байгаа 2016 онд Монголоос ОХУ- руу зорчсон жуулчдын тоо хоёр дахин өсч 280 мянгад хүрсэн байна хэмээн оросын статистикийн мэдээнд дурджээ.  Өнгөрч байгаа 10 сард орост жуулчилсан хүний тооны өсөлтөөр  монгол улс ийнхүү тэргүүлж байна. Эдгээрийн араас Өмнөд солонгосын 140 мянган хүн орост жуулчилсан нь өмнөх оныхоос 20 хувь өссөн бол Эстониос 310 мянган хүн жуулчилж очсон нь өмнөхөөсөө 18 хувь өсчээ. Орост очсон жуулчдын нь тоо өссөн орнуудын айргийн тавд Хятад, Армян орсон байна.

Харин орост аялсан жуулчдын тоогоороо Украин улсын долоон сая орчим хүн ирснээрээ тэргүүлж байгаа бол Казахстанаас гурван сая хүн ирж хоёрдугаарт орж байна. Хятадын иргэд ч орос орныг үзэхээр нэг саяулаа ийшээ зорчжээ. Ийм байдлаар ОХУ-д хамгийн олон хүн нь жуулчилсан орнуудын эхний 10-д Азербайжан, Узбекистан, Герман, Польш орнууд орж байна.

Энэ байдлаар өнгөрч байгаа 2016 оны эхний 10 сард манай хойд хөрш ОХУ-д гадаадын 25 сая хүн аялж жуулчилжээ. Гэхдээ гадаадын олон хүн бүртгүүлэхгүй ирж очиж байгаа болохоор бодит тоо өөр байж болох юм хэмээн оросын shockvoyage.com сайтад бичсэн байна.