Наадам эхлэхээр л улсын цолны ханш тэд, аймгийнх эд хэмээн амнаас ам дамжин цуурдаг. Тэгвэл энэ удаад сумын цолны ханш тодорхой болжээ. Улсын цол хэдэн арван саяар үнэлэгддэг бол сумын заан цолны ханш нэг сая төгрөг гэнэ. Энэ нь ч бүр ил цагаан өрнөж, наадамчдыг бухимдуулдаг жишээ олон. Ямарсайндаа л, үзэгчид сумын наадамд түрүүлж, чадлаараа заан цол хүртэж чадахгүй юм бол барилдаад хэрэггүй, зөвхөн чадах зүйлээ хөөцөлдөх хэрэгтэй хэмээн шүүмжилж суудаг болжээ.