Б.БАДРАЛ

БНХАУ-ын Батлан хамгаалах яам хэдхэн өдрийн өмнө Өмнөд Хятадын тэнгист олзлон авсан Америкийн дроныг буцаан өгч байгаагаа албан ёсоор мэдэгджээ. Өнгөрөгч баасан гарагт Филиппиний эргийн ойролцоо Хятадын тэнгисийн цэргийн хүчнийхэн Америкийн усны дроныг хууль бусаар олзлон авсан явдал гарсан юм. Хятадын тал нь Америкийн дроныг өөрийн мэдлийн арлын ойролцоохь усанд хууль бусаар явж байхад олзолсон гэж тайлбарласан. Харин америкчууд нь Филиппиний мэдлийн газар нутгийн ойролцоо шинжлэх ухааны судалгаа хийж явсан дроныг хууль бусаар булаан олзолсон гэж мэдэгдэж байсан юм.