Монголын залуучуудын холбоо, “Оргил” дугуйн клуб хамтран “Дугуйтай Санта” сайн үйлсийн аяныг дөрөв дэх жилдээ зохион байгуулах гэж байна. Анх “Халуун сэтгэлээр хайртай багачууддаа” уриан дор зохион байгуулж, нийгмийн эмзэг бүлгийн хүүхдүүдэд бэлэг гардуулж байсан юм.
Харин энэ удаад “Дугуйтай санта” нар “Санта бидний сэтгэлийн бэлэг” гэсэн уриан доор нэгдэн энэ сарын 25-нд Тусгай дунд сургууль болох 29 дүгээр сургуулийн дотуур байрны 200 гаруй сурагчид сэтгэлийн бэлгээ хүргэхээр болжээ. Тус сургуулийн дотуур байранд 21 аймаг, алслагдсан дүүргийн болоод амьдралын төвшин доогуур хүүхдүүд амьдардаг аж.