Нэмэгдсэн өртгийн албан татварын буцаан олголтыг 2017 оны эхний улиралд багтан олгож эхлэх юм. Буцаан олголтыг авахын тулд иргэд цахим бүртгэлээ оны эхний өдрөөс өмнө баталгаажуулах ёстой байсан. Харин өчигдрийн байдлаар бүртгэлтэй 901.9 мянган хэрэглэгч байсан ч тэдний дөнгөж 480.6 мянган нь бүртгэлээ баталгаажуулжээ. Харин нийт 77 сая баримт бүртгүүлжээ.

Харин “Нэмэгдсэн өртгийн албан татвар төлөгчийн худалдан авалтад төлсөн нэмэгдсэн өртгийн албан татварыг буцаан олгох журам”-ын 4.6 -д зааснаар Албан татвар төлөгч тухайн хуанлийн жилийн сүүлийн өдрийн 24 цаг 00 минутаас өмнө худалдан авсан төлбөрийн баримтын мэдээллийг дараагийн хуанлийн жилийн ажлын эхний таван өдрийн дотор бүртгүүлсэн байх шаардлагатай байдаг. Тиймээс албан татвар төлөгч иргэд өнгөрсөн оны төлбөрийн баримтын мэдээллээ  2017 оны нэгдүгээр сарын 6-ны 23 цаг 59 минутаас өмнө цахим төлбөрийн системд бүртгүүлэх шаардлагатай юм байна.