Яаралтай тусламжийн төв ачаалал ихтэй ажиллаж байна. Баяр наадмын хоёр дахь өдөр буюу долдугаар сарын 12-оос эхлэн тус төвийн 103 дугаар утас завгүй “хангинах” болжээ. Энгийн өдрүүдэд 500 орчим дуудлага ирдэг байсан бол энэ өдрүүдэд хоногтоо 750 –иас илүү дуудлага ирж байгаа гэнэ. Хэдийгээр эмнэлгийн яаралтай тусламж хүсэгчдийн тоо нэмэгдэж байгаа ч олон нийтийг хамарсан хордлого, томоохон осол гараагүй гэнэ.