УИХ-ын гишүүн Л.Оюун-Эрдэнэ ХЗДХ-ийн сайд Б.Энхбаярыг АТГ-т шалгуулахаар хүсэлт өгч байна
Туулын хурдны зам ашиглалтад орсноор гол гудамж замын хөдөлгөөний ачаалал 13.5 хувиар буурна
“ЭРДЭНЭС ТАВАНТОЛГОЙ” ХК-ИЙН ХУВЬЦАА ЭЗЭМШИГЧДИЙН ЭЭЛЖИТ ХУРЛЫН ЗАР
Б.Одбаяр: Туулын хурдны замыг барихдаа голын экосистемийг алдагдуулахгүй гэдгийг хариуцлагатайгаар хэлье
Баян-Өлгий аймгийн Нэгдсэн эмнэлэгт үе солих болон хавдрын мэс засал хийх боломжтой боллоо
УИХ-ын дарга Н.Учрал “Чойном 90-Эрх чөлөөний дууч” хүндэтгэлийн арга хэмжээний нээлтэд оролцлоо
Моби-30 чансаа өндөр 128 бөхийн барилдаанд О.Хангай аварга, халз барилдаанд Э.Батмагнай арслан түрүүллээ
Өнөөдөр цахилгаан шугам тоноглолд хийгдэх засвар үйлчилгээний хуваарь
Монгол Улсын Ерөнхийлөгч У.Хүрэлсүх казах түмэнд Наурызын баярын мэндчилгээ дэвшүүллээ
“ОЮУ ТОЛГОЙ” ХХК-ААС УС БОХИРДУУЛСНЫ ТӨЛБӨР АВАХЫГ УСНЫ ГАЗАРТ ҮҮРЭГ БОЛГОВ
Японы анхны тэрбумтан эмэгтэй
Б.СЭВЖИДМАА
Японд өөрийн хүчээр долларын тэрбумтан болсон анхны эмэгтэй нь 82 настай Ёшико Шинохара боллоо. Одоогоос 40 жилийн өмнө Токио дахь ганц өрөө байрандаа хувийн бизнесээ эхлүүлсэн Ё.Шинохарагийн “Temp Holdings” компани өнгөрсөн жил 4,5 тэрбум ам.долларын орлого олжээ. Токиогийн хөрөнгийн биржид бүртгэлтэй энэ компанийн 25 хувь буюу нэг тэрбум ам.доллар давсан хөрөнгийг Ё.Шинохара эзэмшдэг аж. Ингэснээр Азид өөрийн хүчээр долларын тэрбумтан болсон 26 дахь эмэгтэй нь Шинохара болж байна. Түүнээс өмнө тэрбумтан болсон эмэгтэйчүүд бүгд Хятад, Хонконгоос гаралтай юм. Ёшико Шинохара 1934 онд төрж, дэлхийн II дайны хүнд бэрх жилүүдэд хүүхэд насаа өнгөрөөжээ. Эцэг нь найман настайд нь өнгөрч, ганц бие ээжтэйгээ амьдарч байсан Шинохара 20 гараад удаагүй байхдаа гэрлэсэн ч төд удалгүй салснаар харийн орныг зорьжээ. Тэр дахин гэрлэсэнгүй. Эх орондоо ч үлдсэнгүй. 1960-аад онд Англи руу явж, дараа нь Австралид очиж олон жил нарийн бичгээр ажилласан байна. Тэр 1973 онд эх орондоо эргэн ирэхдээ хүмүүст цагийн ажил олж өгөх бяцхан бизнесээ өөрийнхөө байранд нээжээ. Тэрээр хүүхэд гаргаж, ажил мэргэжлээ орхисон ээжүүдийг цагийн ажилтай болгож, нийгэмд нь эргэн хөл тавихад тусалъя гэсэн зорилгоор анх бизнесээ эхлүүлсэн ч эмэгтэйчүүд түүний хүссэнээр тийм ч идэвхтэй байсангүй. Тиймээс эрчүүдийг цагийн ажилд зуучилж эхэлжээ. “Алдагдсан үе” гэгддэг 1990-ээд оны эдийн засгийн хямралын жилүүдэд компаниуд зардлаа багасгах үүднээс үндсэн ажилтны тоог багасгаж, цагийн ажилтан хөлсөлж эхэлсэн нь түүний бизнесийг өөд нь татжээ.
Одоо “Temp Holdings” Япондоо 27 мянган компанитай, гадаадын 13 улстай гэрээтэй ажилладаг болжээ. Тус компанийн нэг улирлын орлого 2,4 тэрбум долларт эргэлдэж байгаагийн 78 хувь нь цагийн ажлын бизнес, үлдсэн нь компанийн зөвлөгөө, систем хөгжүүлэлт, аутсорсинг зэрэг бусад бизнесээс нь орж ирдэг аж. Өдгөө Японы хүн амд эзлэх ахмадуудын тоо нэмэгдэж, хөдөлмөрийн зах зээл дэх боловсон хүчний тоо багасч байгаа учраас “Temp Holdings”-ийн бизнес улам бүр цэцэглэнэ гэж шинжээчид найдаж байна. Тус компанийн судалгааны албаны тооцоогоор тун удахгүй Японы хөдөлмөрийн хүч 5,83 сая хүнээр дутахаар байгаа аж. Шинохара хэдий тэрбумтан болсон ч энэ их хөрөнгөө өвлүүлэх гэр бүл, үр хүүхэдгүй ажээ. 2014 онд тэрээр өөрийн нэрэмжит сан байгуулж, хөрөнгийнхөө таван хувийг хандивлан сувилагч, асрагч болох оюутнуудад тэтгэлэг өгч эхэлсэн байна.
Б.СЭВЖИДМАА
Японд өөрийн хүчээр долларын тэрбумтан болсон анхны эмэгтэй нь 82 настай Ёшико Шинохара боллоо. Одоогоос 40 жилийн өмнө Токио дахь ганц өрөө байрандаа хувийн бизнесээ эхлүүлсэн Ё.Шинохарагийн “Temp Holdings” компани өнгөрсөн жил 4,5 тэрбум ам.долларын орлого олжээ. Токиогийн хөрөнгийн биржид бүртгэлтэй энэ компанийн 25 хувь буюу нэг тэрбум ам.доллар давсан хөрөнгийг Ё.Шинохара эзэмшдэг аж. Ингэснээр Азид өөрийн хүчээр долларын тэрбумтан болсон 26 дахь эмэгтэй нь Шинохара болж байна. Түүнээс өмнө тэрбумтан болсон эмэгтэйчүүд бүгд Хятад, Хонконгоос гаралтай юм. Ёшико Шинохара 1934 онд төрж, дэлхийн II дайны хүнд бэрх жилүүдэд хүүхэд насаа өнгөрөөжээ. Эцэг нь найман настайд нь өнгөрч, ганц бие ээжтэйгээ амьдарч байсан Шинохара 20 гараад удаагүй байхдаа гэрлэсэн ч төд удалгүй салснаар харийн орныг зорьжээ. Тэр дахин гэрлэсэнгүй. Эх орондоо ч үлдсэнгүй. 1960-аад онд Англи руу явж, дараа нь Австралид очиж олон жил нарийн бичгээр ажилласан байна. Тэр 1973 онд эх орондоо эргэн ирэхдээ хүмүүст цагийн ажил олж өгөх бяцхан бизнесээ өөрийнхөө байранд нээжээ. Тэрээр хүүхэд гаргаж, ажил мэргэжлээ орхисон ээжүүдийг цагийн ажилтай болгож, нийгэмд нь эргэн хөл тавихад тусалъя гэсэн зорилгоор анх бизнесээ эхлүүлсэн ч эмэгтэйчүүд түүний хүссэнээр тийм ч идэвхтэй байсангүй. Тиймээс эрчүүдийг цагийн ажилд зуучилж эхэлжээ. “Алдагдсан үе” гэгддэг 1990-ээд оны эдийн засгийн хямралын жилүүдэд компаниуд зардлаа багасгах үүднээс үндсэн ажилтны тоог багасгаж, цагийн ажилтан хөлсөлж эхэлсэн нь түүний бизнесийг өөд нь татжээ.
Одоо “Temp Holdings” Япондоо 27 мянган компанитай, гадаадын 13 улстай гэрээтэй ажилладаг болжээ. Тус компанийн нэг улирлын орлого 2,4 тэрбум долларт эргэлдэж байгаагийн 78 хувь нь цагийн ажлын бизнес, үлдсэн нь компанийн зөвлөгөө, систем хөгжүүлэлт, аутсорсинг зэрэг бусад бизнесээс нь орж ирдэг аж. Өдгөө Японы хүн амд эзлэх ахмадуудын тоо нэмэгдэж, хөдөлмөрийн зах зээл дэх боловсон хүчний тоо багасч байгаа учраас “Temp Holdings”-ийн бизнес улам бүр цэцэглэнэ гэж шинжээчид найдаж байна. Тус компанийн судалгааны албаны тооцоогоор тун удахгүй Японы хөдөлмөрийн хүч 5,83 сая хүнээр дутахаар байгаа аж. Шинохара хэдий тэрбумтан болсон ч энэ их хөрөнгөө өвлүүлэх гэр бүл, үр хүүхэдгүй ажээ. 2014 онд тэрээр өөрийн нэрэмжит сан байгуулж, хөрөнгийнхөө таван хувийг хандивлан сувилагч, асрагч болох оюутнуудад тэтгэлэг өгч эхэлсэн байна.
0 Сэтгэгдэл
