Найман жилийн түүхтэй Монголын сайтын холбооноос гишүүн сайтууд нь гарч эхэлжээ. Учир нь Монголын сайтын холбоо нь гишүүн сайтуудынхаа эрх ашгийг хамгаалах, эв нэгдлийг бэхжүүлэх, цахим сэтгүүлзүйг хөгжүүлэх чиглэлд хангалтгүй ажиллаж байгаа аж.

Монголын сэтгүүлзүйн отгон салбар болох цахим сэтгүүлзүйн салбарт тогтвортой үйл ажиллагаа явуулж ирсэн нэр бүхий таван сайт Монголын сайтын холбооны гишүүнчлэлээс татгалзаад байсан бол өнөөдөр улс төр, бизнес мэдээллийн Төр.мн сайт мөн татгалзаж байгаагаа албан ёсоор мэдээллээ.