Сэлбийн гүүрний нэг урсгал хаагдснаас хотын зүүн хэсгийн автозам өчигдөр нэлээд ачаалалтай байж, жолооч нар ч түгжрэлд олон цаг уягдсан. Их тойруу буюу Сэлбийн хойд гүүрний  хэсэгт “100 айл”-аас Сансар чиглэх хөдөлгөөний урсгалыг  уржигдар оройн 00:00 цагаас эхлэн хаасан аж. Гүүрний засварын ажилтай холбоотойгоор хаасан замыг есдүгээр сарын 7-нд нээх бол үргэлжлүүлээд Сансараас 100 айл чиглэлийн урсгалыг хаах юм байна. Иймд жолооч нар Их тойруугийн замыг сонгохоос татгалзаж, Залуучуудын өргөн чөлөө, Энхтайвны өргөн чөлөөгөөр зорчих хэрэгтэйг Замын Цагдаагийн газрынхан хэлсэн юм. Хэрэв Их торйуугийн замаар явах шаардлагатай бол  АНУ-ын Элчин сайдын яамны дэргэдүүр гарах шинэ замаар явж Залуучуудын өргөн чөлөөний замруу орж тойрохоор хөдөлгөөнийг зохицуулж байгаа аж.