Махны үнэ магнаг хэвээр байна. Уг нь, наадмаар малчид хэдэн хонь туун хотын захад заран махны үнийг унагадаг байсан бол энэ жил тийм үзэгдэл болсонгүй. Бодвол цаг цагаараа байдаггүй, цахилдаг хөхөөрөө байдаггүй нь энэ бололтой. Гэхдээ иргэдийн ярих нь үхрийн мах кг 9000, хонь кг 8000 төгрөг хүрч байгаа нь ченжүүдийн явуулга гэнэ шүү. Учир нь, өнөөх хэдэн малчныг хэдэн ченж хоргоон малаа хямдхан зарчих хэмээн ээрч байгаа сурагтай. Харин хямдхан авсан махаа хэдэн төгрөг хүргэхээ мэдэж байгаа байлгүй дээ цаадуул чинь.