Өнгөрсөн өдрүүдэд нийт нутгаар орсон борооны улмаас Хангай нуруунаас эхтэй Идэр, Богд, Чигэстэй, Буянт голын усны түвшин 15-90 см нэмэгджээ. Богд гол Улиастай орчмоор үерийн түвшинг 20 см даван хүчтэй үерлэж, Хэрлэн голын эх, Туул, Ерөө голын адгаар үерийн төвшинг 10-35 см, Мөнгөнморьт орчмоор 40см  давсан хэвээр байна. Иймд дээрх голуудын дагуу суурьшиж, зусаж буй ард иргэд, аж ахуй нэгж, байгууллага, аялал зугаалгаар явж, амарч буй ард иргэдийг үер усны аюулаас онцгойлон анхаарч, сонор сэрэмжтэй байхыг Ус цаг уур орчны шинжилгээний газраас сэрэмжлүүллээ.